Sie sind hier: Handball in X-Berg > Chum zu dä HSG Chrüzbärg!
23.8.2017 : 15:54 : +0200

Handball z Berlin? Chum zu dä HSG Chrüzbärg!

Du bisch neu z Berlin? Du wetsch Handball spielä? De bisch du bi üs richtig. D HSG Chrüzbärg hed füf Männermannschaftä, wo i verschiedä starchä Ligä spielid. D HSG isch wie ganz Chrüzbärg: bunt, international, offä. Näbä Training und Meischterschaft sind miär immer für äs gmeinsams Biär i dä Beiz z ha.

Bi üs spielid Dütschi, Franzosä, Spanier, Schwiizer, Däne oder Türkä. Jedä isch härzlich willkomä: Dä Studänt, wo uf Berlin zogä isch. Dä Bruefstätig, wo ä sportlichä Usglich zum Stress im Job suächt. Dä ehemalig Leischtigssportler, wo sich wett fit haltä. Dä Breitsportler, wo näbä Training und Wettkampf s gmüetlichä Biär i gselliger Rundi schätzt. Egal ob Akademiker, Büezer oder Jobsuchend, ob 50-jährigä Senior oder 20 jährigä Jungspund - bi dä HSG Chrüzbärg gfindet jedä sini sportlichi Heimat.

Dä gmeinsami Spass am Handball stahd bi dä HSG Chrüzbärg im Vordergrund. Miär wend erfolgsorientiärt Handball spielä, aber dä gsellschaftlich Aspäkt i dä  Vereinsbeiz, uf Partys und bi gmeinsamä Aktivitäte wie Turnierteilnahmä, Reisä oder Usflüg id Region sellid nid z churz cho.
Wer s erschte mal is Handball-Training chund, isch nid dä ussästehendi Neuii, sondern wird vo Afang a integriert. Äs unverbindlichs Schnuppertraining isch äbeso möglich wie diä schnell Organisation vomäne Spielerpass, um a Meischterschaftsspiel vo üsä vier Männermanschaftä i dä Stadtliga, Bezirksliga, Chreisligä oder bi dä Altä Herrä teilznäh.
 
Also: Chum zu dä HSG Chrüzbärg, äm bitzeli andärä Handballverein z Berlin!