Sie sind hier: Handball in X-Berg > Gang zu denna Kreizberger!
23.8.2017 : 15:55 : +0200

Gang zu derra HSG Kreizberg!

Bisch grad ersch noch Berlin komma? Ond willsch Handball spiela? No bisch bei ons genau richtig. Die HSG Kreizberg isch der Verei, der femf Mannschafta em Renna hot, die wo en onderschiedlich starge Liaga spielat. Ha woisch, die HSG, die isch so wia ganz Kreizberg: Bond, indernational, ond offa f'r älle. Do goht's oms gscheit trainiera, oms gwenna von meglichscht viele Moischterschafta, aber halt au om's Zsammasitza ond Bier trenka, weil dia hend nemlich a Boiz glei näba dr Hall.

Bei ons spielat Deitsche, Franzosa, Schpanier, Schweizer, Däna ond Türga. A jeder isch do willkomma: Dr Schtudent, der grad ersch noch Berlin zoga isch. Der wo schaffat ond a weng an Ausgleich zum Stress em Job suacht. Dr friehere Leischtungsschportlr, der wo halt au fit bleiba will. Der Breitenschportler, dem wo vor allem die Halbe noch 'm Training, mit a baar nedde Leit, wichtig isch. Ob des jetzt a Schtudierter, a Schaffer oder Oiner, der wo halt grad koin Job et hot, isch, ob des jetzt so a fuchzigjähriger Oldie oder eher so a zwanzigjähriges Nachwuchstalent isch - bei derra HSG Kreizberg, do fend a jeder sei schportliche Heimat.

Woisch, dr Spaß am Handball stoht halt scho em Vordergrond. Freile, mir wellat scho gwenna, aber dr sogenannte "gesellschaftliche Aschpekt" en dr Boiz, auf Parties und bei onsere Ausfliegla, wie zom Beischpiel Turnier, Reisa, oder Ausfliag end Regioh, soll halt et z'kurz komma. Wer nemlich zom erschta Mol zu ons ens Training kommt, der isch et bloß dr "Nuie", sondern mir denn den von Afang a integriera. Bei ons isch älles meglich: Oifach mol neigugga ond ausprobiera oder au des schnelle Organisiera vomma Schpielerpass, damit du direkt bei oira von onsre femf Mennermannschafta en dr Stadtliga, Bezirksliga, Kreisliga oder bei de Alte Herra mitdoa kasch.

I däd saga: Gang zu derra HSG Kreizberg, weil dia send nämlich der "etwas andere" Handballverei en Berlin!